فى حاجات كتيرة فى حياتك بتخليك مبسووووووط

- زى ان خطيبتك او حبيبتك تكلمك يوم عيد ميلادك الساعة 12 بالضبط عشان تبقى اول واحــده تقولك "HaPpy B Day" ^^

2- زى ان الدنيا تمطر عليك انت وصاحبك وبدل ماتركبوا اى حاجة للبيت تفضلوا واقفين فى المطـــر وتجروا ورا بعض كمان

3-زى ان مامتك تيجى بليل وانت نايم تغطيك ببطانية تانية عشان الدنيا ساقعة

4-زى انك تلاقى مامتك عاملة اكلة كانت
لسه على بالك ونفسك فيها

5-زى انك تبقى ماشية مع حبيبك والدنيا بــرد اوووى ويديكى الجاكيت بتاعه ويبقى ووووواســع عليكى اوى ويمشى هو بردان

6-زى انك تلقى بنوتة صغنونة متعرفكش بس اوى ماتقولها تعالى تسيب مامتها وتجيلك انت ♥

7-زى انك تلعب لعبة مع صاحبك انت وهو اللى مخترعين قوانيــن من دماغكوا وبتلعبوا بيها ومحدش غيركوا يعرف يلعبها كده

8- زى ان وقت النتيجة وانت خايف منها مامتك تقولك " متخــافش هتنجـح انا دعتلك " وتنجح فعلا :O

9-زى انك تفتكر ذكريات كانت حلوة مع حد العلاقة بينكوا مبتقتش زى الاول وتروح تكلمه على التليفون وتقولوا " فاكر يا معلم ..." وترغووا للصبح

10-زى انك تقرا بوست زى ده وتفتكر المواقف دى كلها حصلت معاك امتى ومع مين